Мигма Электроникс ХХК нь Монголын мэдээлэл технологийн зах зээл дээр үйл ажиллагаагаа амжилттай явуулж байгаа бөгөөд эл хугацаанд Мэдээлэл Технологийн салбарт тэргүүлэгч үндэсний үйлдвэрлэгч, хэрэглэгчдийн итгэл хүлээсэн байгууллага байх гол зорилтуудыг амжилттайгаар биелүүлсээр ирсэн. Энэ нь ч компаний хэтийн зорилгын нэг чухал бүрдэл хэсэг байсаар байх болно.
   Мигма Электроникс ХХК нь Монголын мэдээлэл технологийн зах зээл дээрх автоматжуулалтын чиглэлээр мэргэшсэн чадварлаг боловсон хүчин бүхий цөөн хэдэн компаний нэг бөгөөд эл ахархан хугацаанд менежментийн чадварлаг баг бүрдүүлж, инженерүүдийн үйл ажиллагааг хамгийн өндөр түвшинд барьж ажилласнаар өдгөө зах зээлийн тодорхой хувийг эзлэн амжилттай ажиллах гол нөхцөл болж байна.
   Тус компаний өсөн дэвжих гол нөхцөл болсон хэрэглэгчдийн тоо, худалдан авалтын хэмжээ өдрөөс өдөрт чанаржиж байгааг бэлхнээ харж болно. Өдгөө Монгол  дахь дотоод, гадаадын салбартаа тэргүүлэгч олон байгууллага компаниудтай хамтран ажиллаж байна.
   Хэрэглэгчдийнхээ хэрэгцээ шаардлагад нийцүүлэн байнгын судалгаа шинжилгээ явуулж, шинэ технологи, төгс шийдэл гарган, дэлхийн зах зээл дээрх шинэлэг сор бүтээгдэхүүнийг Монголынхоо хэрэглэгчдэд цаг алдалгүй хүргэх манай компаний эрхэм зорилго биеллээ олсоор байна.

   Монгол Улсын Засгийн Газар, Мэдээлэл Харилцаа Холбоо Технологийн Газар-аас зарласан “Бүх нийтийг компьютержүүлэх хөтөлбөр”  -ийн албан ёсны хэрэгжүүлэгч компаниар шалгарч 1-р, 2-р үе шатыг амжилттай хэрэгжүүлж, 2005 оны “Бүтээлч хамт олон”, 2006 оны “Монгол Чанар“, 2007 оны “CТАНДАРТ 2007”, “2007 оны Шилдэг Аж Ахуйн Нэгж”, “2007 оны Шилдэг Маркетингтай Байгууллага”, 2007 оны “Шилдэг Маркетер” өргөмжлөл  шагналыг хүртээд байна. Үндэсний үйлдвэрлэлийн томоохон төлөөлөл болсон, хэрэглэгчдийн шилдэг сонголт болж байгаа Монголд үйлдвэрлэгдэж буй MGM брэндийн компьютер бүхий л хэрэгцээг хангахуйц олон сонголттойгоор зах зээл дээрх хамгийн урт баталгаат хугацаатайгаар үйлдвэрлэгдэж байна.

   Хэрэглэгчиддээ илүү ойр, чанартай үйлчилгээ үзүүлэхийн тулд EMGM компьютерийн үндэсний сүлжээ их дэлгүүрийн стандартад шилжин ажиллаж байна.

1. Дэлхийд тэргүүлэгч  томоохон  гадаад түншүүд,
2. Дотоодын томоохон харилцагч байгууллагууд,
3. “Business development team” удирдлагын чадварлаг баг ба инженер техникийн ажилчид,
4. Олон жилийн туршлага, монгол брэндийг гаргасан амжилт, компанийн нэр хүнд,
5. Таван  салбар дэлгүүр, агуулах, үйлдвэрлэлийн төв,
6. Төсөл, тендерүүдэд амжилттай оролцсон туршлага,  чадвар,
7. Мэдээлэл технологийн  цогц үйлчилгээ үзүүлэгч,

   Дэлхийд тэргүүлэгч томоохон гадаад түншүүдтэйгээ Албан ёсны дистрибьютерийн шугамаар хамтран үр дүнтэй хамтын ажиллагааг өрнүүлэхийн сацуу Бизнес Партнер, Албан ёсны гэрээт борлуулагчын үүргийг амжилттайгаар гүйцэтгэж яваа өсч буй залуу компани болж чадсан нь бидний ажлын амжилт, бахарлын үндэс болж байгаа юм.